ຈາກນັ້ນ, ກຸ່ມຂອງ ທ້າວ X ຍັງສືບຕໍ່ນຳທຳຮ້າຍ ທ້າວ ຈຸ້ງ ແລະ ທ້າວ ບານ, ທ້າວ ຈຸ້ງ ໄດ້ຂຸກເຂົ່າລົງຂໍຮ້ອງກັບ ທ້າວ X ເພື່ອຂໍຍອມ ແລ້ວໄປເຈ່ຍເອົາ ທ້າວ ບານ ລົງມາຈາກຊັ້ນເທິງ ເພື່ອສົ່ງໄປໂຮງໝໍດ່ວນ ແຕ່ປະຕູຮ້ານຄາຣາໂອເກະ ປິດຢ່າງແໜ້ນໜາ; ທ້າວ ຈຸ້ງ ຈຶ່ງຕ້ອງໄດ້ຂໍຮ້ອງນຳ ທ້າວ X ເປັນເວລາດົນ ຜູ້ກ່ຽວຈຶ່ງສັ່ງໃຫ້ປ້ອງກັນ ເປີດປະຕູຮົ້ວໃຫ້ ເພື່ອນຳເອົາ ທ້າວ ບານ ໄປໂຮງໝໍ.
ສ່ວນ ທ້າວ ແທ່ງ ແມ່ນຖືກກຸ່ມຂອງ ທ້າວ X ແທງ ໄດ້ຮັບບາດເຈັບສາຫັດ ແຕ່ສາມາດແລ່ນເອົາຕົວຫຼົບໜີອອກມານອກທາງໄດ້ ແລະ ລັດລົດແທັກຊີໄປໂຮງໝໍກ່ອນ; ຍ້ອນທັງ 2 ( ທ້າວ ແທ່ງ ແລະ ທ້າວ ບານ ) ໄດ້ຮັບບາດເຈັບສາຫັດ, ບາດແຜໃຫຍ່ ແລະ ເສຍເລືອດຫຼາຍ, ຈຶ່ງເຮັດໃຫ້ທັງສອງ ອົດຕໍ່ຄວາມເຈັບປວດບໍ່ໄດ້ ແລ້ວເສຍຊີວິດ ໃນເວລາຕໍ່ມາ.
ຫຼັງຈາກເກີດເຫດຂຶ້ນ, ທາງດ້ານ ພະນັກງານສືບສວນ – ສອບສວນ ຂອງ ກອງບັນຊາການຕຳຫຼວດ ເມືອງຮັອກໂມນ ແລະ ພະແນກຕຳຫຼວດອາຍາ ກອງບັນຊາການ ນະຄອນໂຮ່ຈີມິນ ໄດ້ລົງເກັບກຳຂໍ້ມູນ ແລະ ໄດ້ໃຫ້ຮູ້ວ່າ:
ກ້ອງວົງຈອນປິດທຸກໜ່ວຍ ແມ່ນຖືກຕັດສັນຍານ ໃນຂະນະທີ່ເກີດເຫດ. ແຕ່ເຖິງແນວນັ້ນກໍຕາມ, ມີກ້ອງໜ່ວຍໜຶ່ງ ສາມາດເກັບກູ້ໄດ້ບາງບ່ອນທີ່ກ່ຽວຂ້ອງ ໃນຂະນະທີ່ເກີດເຫດ. ເມື່ອ ເຈົ້າໜ້າທີ່ຕຳຫຼວດວິຊາສະເພາະ ເຂົ້າກວດກາສະຖານທີ່ເກີດເຫດ ສາມາດເກັບຢຶດໄດ້ອາວຸດຫຼາຍຊະນິດ ໃນນັ້ນມີປືນສັ້ນ 2 ກະບອກ.
ໃນຂັ້ນເບື້ອງຕົ້ນ, ເຈົ້າໜ້າທີ່ ໄດ້ຂຶ້ນບັນຊີເປົ້າໝາຍໄວລຸ້ນ 16 ຄົນ ທີ່ມີສ່ວນກ່ຽວພັນກັບຄະດີ ມາໃຫ້ການທີ່ ກອງບັນຊາການ, ພ້ອມທັງໄດ້ກັກຕົວ ທ້າວ ຫງວຽນຫີວຟຸກ ອາຍຸ 18 ປີ ຢູ່ເມືອງຮັອກໂມນ, ເຮັດວຽກປ້ອງກັນສະຖານທີ່ ຮ້ານຄາຣາໂອເກະດັ່ງກ່າວ ແລະ ກຳລັງຕິດຕາມຈັບຕົວເປົ້າໝາຍອື່ນອີກ 3 ຄົນ ທີ່ມີສ່ວນກ່ຽວພັນກັບເຫດການທີ່ເກີດຂຶ້ນ ໂດຍສະເພາະແມ່ນ ບຸກຄົນທີ່ລົງມືທຳຮ້າຍ ທ້າວ ແທ່ງ ແລະ ທ້າວ ບານ ຈົນເຖິງຂັ້ນເສຍຊີວິດ; ສ່ວນສະພາບການກ່ຽວກັບ ທ້າວ X ເຈົ້າຂອງຮ້ານຄາຣາໂອເກະ ທີ່ເປັນຄົນໃຊ້ປືນກໍ່ເຫດ, ປັດຈຸບັນ ເຈົ້າໜ້າທີ່ ແມ່ນກຳລັງແກ້ໄຂ ຢ່າງເຄັ່ງຄັດ.
ນາງ ໂດຼທິກ້າວ ເມຍ ທ້າວ ແທ່ງ ( ຜູ້ເສຍຊີວິດ ) ໄດ້ລົມກັບ ເຈົ້າໜ້າທີ່ ວ່າ:
ທາງຄອບຄົວຂອງທັງສອງຄົນທີ່ເສຍຊີວິດ ແມ່ນໄດ້ປະຕິບັດການສົ່ງສະການ, ມ້ຽນສົບເປັນທີ່ຮຽບຮ້ອຍ ແຕ່ຄວາມເສຍໃຈ ບວກກັບ ຄຳຖາມທີ່ຄາໃຈ, ມັນຍັງຝັງເລິກໄວ້ໃນສະໝອງ ເພາະວ່າພວກເຂົາບໍ່ໄດ້ເຮັດຜິດຫຍັງ ພຽງແຕ່ການຜິດຖຽງກັນເລັກໜ້ອຍ ເຊິ່ງເປັນເລື່ອງທີ່ສາມາດແກ້ໄຂໄດ້ ແຕ່ກຸ່ມດັ່ງກ່າວກໍພາກັນລົງໄມ້ລົງມື ຈົນເຖິງຂັ້ນເອົາເປັນເອົາຕາຍ ແລະ ທີ່ສຳຄັນ ຜູ້ເສຍຊີວິດທັງສອງນັ້ນ ລ້ວນແຕ່ແມ່ນເສົາຫຼັກຂອງຄອບຄົວ.
ໃນການຜິດຖຽງກັນຂັ້ນຮຸນແຮງ ທີ່ເກີດຂຶ້ນ ຄັ້ງຫຼ້າສຸດນີ້, ກຸ່ມກໍ່ເຫດແມ່ນ ລ້ວນແຕ່ນຳໃຊ້ອາວຸດທີ່ອັນຕະລາຍ, ຮ້າຍແຮງ ລວມເຖິງໃຊ້ປືນ ເພື່ອແກ້ໄຂບັນຫາ, ເຊິ່ງບໍ່ເກງກົວຕໍ່ລະບຽບກົດໝາຍ. ບັນຫາເຫຼົ່ານີ້, ມັນໄດ້ກາຍເປັນ ບັນຫາທີ່ຮຽກຮ້ອງໃຫ້ພາກສ່ວນທີ່ກ່ຽວຂ້ອງ ຕ້ອງໄດ້ຈັດການແກ້ໄຂ ຢ່າງຮີບດ່ວນ ເພື່ອເຮັດໃຫ້ສັງຄົມ ມີຄວາມສະຫງົບ – ປອດໄພ.
