ຄະນະພັກຮາກຖານ ຫ້ອງສັນຕິບານ ກອງບັນຊາການ ປກສ ແຂວງເຊກອງ ຈັດກອງປະຊຸມໃຫຍ່ ຄັ້ງທີ II ໃນວັນທີ 7 ພະຈິກ 2019 ເປັນປະທານໂດຍ ສະຫາຍ ພັອ ສົມໄຊ ພູລະຄຳມະນີ ຄະນະປະຈຳພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງເຊກອງ, ສະຫາຍ ພັທ ຄຳບານ ພົມມະນີວົງ ຫົວໜ້າຫ້ອງສັນຕິບານ, ມີແຂກຮັບເຊີນ, ສະມາຊິກພັກສົມບູນ-ສໍາຮອງ ເຂົ້າຮ່ວມ.
ສະຫາຍ ພັຕ ວິຊຽນ ພົນວິໄຊ ຄະນະພັກຮາກຖານຫ້ອງສັນຕິບານ ຮອງຫົວໜ້າຫ້ອງສັນຕິບານ ກ່າວວ່າ:
ໃນ 5 ປີ ຜ່ານມາ, ຄະນະພັກຮາກຖານ ຫ້ອງສັນຕິບານ ໄດ້ເອົາໃຈໃສ່ປັບປຸງກໍ່ສ້າງພັກໃຫ້ມີຄວາມໜັກແໜ້ນເຂັ້ມແຂງຮອບດ້ານ, ຮັບປະກັນທາງດ້ານປະລິມາມ ແລະ ຄຸນນະພາບ ເພື່ອເຊີດຊູບົດບາດຂອງພັກການຈັດຕັ້ງປະຕິບັດ ແມ່ນຖືເອົາ 5 ມາດຖານ 4 ເງື່ອນໄຂ ແລະ 5 ເນື້ອໃນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໝັກແໜ້ນ.
ລົງເຄື່ອນໄຫວຊຸກຍູ້ໜ່ວຍພັກປ້ອງກັນພາຍໃນແຕ່ລະສຳນັກງານ-ອົງການໃຫ້ເອົາໃຈໃສ່ປ້ອງກັນເວນຍາມຮັກສາຄວາມສະຫງົບຢູ່ພາບໃນມີ 9 ຄັ້ງ, ປ້ອງກັນກອງປະຊຸມ, ແຂກພາຍໃນ ແລະ ຕ່າງປະເທດ, ງານໂຮມຊຸມນຸມມິດຕິງ ແລະ ວັນບຸນສຳຄັນຕ່າງໆຂອງຄະນະພັກຂອງຊາດມີ 24 ຄັ້ງ.
ໄດ້ສຸມໃສ່ກຳແໜ້ນສະພາບການຢ່າງຮອບດ້ານ ທັງພາຍໃນ ແລະ ຕ່າງປະເທດ, ຂຶ້ນບັນຊີພົນລະເມືອງລາວ ທີ່ໄປອອກແຮງງານຢູ່ປະເທດໄທມີ 156 ຄົນ ຍິງ 75 ຄົນ, ໄປຖືກຕ້ອງມີ 127 ຄົນ ຍິງ 63 ຄົນ; ໄປບໍ່ຖືກຕ້ອງມີ 29 ຄົນ ຍິງ 12 ຄົນ, ຜູ້ທີ່ກັບມາມີ 23 ຄົນ ຍິງ 6 ຄົນ, ກວດກາເອກະສານຂໍເຮັດໜັງສືຜ່ານແດນ 246 ສະບັບ; ໃນນັ້ນ, ໄປໄທ 139 ສະບັບ, ໄປຈີນ 4 ສະບັບ, ໄປ ສສ ຫວຽດນາມ 92 ສະບັບ, ໄປກຳປູເຈຍ 1 ສະບັບ, ໄປສິງກະໂປ 13 ສະບັບ, ໄປຢີປຸ່ນ 1 ສະບັບ, ໄປອົດສະຕຣາລີ 1 ສະບັບ, ໄປອິນເດຍ 1 ສະບັບ.
ຂຶ້ນສະຖິຕິໂຄງການລົງທຶນພາຍໃນ ແລະ ຕ່າງປະເທດທັງໝົດ 89 ໂຄງການ, ອະນຸມັດຂັ້ນສູນກາງ 24 ໂຄງການ, ຂັ້ນແຂວງ 59 ໂຄງການ; ໄດ້ປະສານສົມທົບກັບ ພະແນກສຶບສວນ-ສອບສວນຫ້ອງຕຳຫຼວດ ດຳເນີນສືບສວນຜູ້ຕ້ອງຫາຈຳນວນ 14 ຄົນ ຍິງ 1 ຄົນ, ອອກປຶ້ມຜ່ານແດນຈຳນວນ 3.628 ຫົວ, ຕໍ່ປື້ມຜ່ານແດນ 677 ຫົວ, ອອກໃບຜ່ານແດນ 5.373 ໃບ, ກວດຄົນເຂົ້າເມືອງທັງໝົດ 63.369 ເທື່ອຄົນ, ຄົນລາວ 20.925 ເທື່ອຄົນ ຍິງ 6.313 ເທື່ອຄົນ.
ຈາກນັ້ນ, ກອງປະຊຸມໄດ້ດຳເນີນການປ່ອນບັດເລືອກຕັ້ງເອົາ ຄະນະພັກຮາກຖານຫ້ອງສັນຕິບານ ຊຸດໃໝ່ ໂດຍມີຜູ້ເຂົ້າສະໝັກ 7 ສະຫາຍ ເລືອກເອົາ 5 ສະຫາຍ; ໃນນີ້, ກອງປະຊຸມປະຖົມມະລືກໄດ້ເປັນເອກະສັນກັນເລືອກເອົາ ສະຫາຍ ພັທ ຄໍາບານ ພົມມະນີວົງ ເປັນເລຂາ; ສະຫາຍ ພັທ ບົວແຂມ ເພັດກອງມັງ ເປັນຮອງເລຂາ; ສະຫາຍ ພັຕ ວິຊຽນ ພົມວິໄຊ ເປັນປະທານກວດກາ; ສະຫາຍ ພັທ ຄຳນັບ ຈະເລີນສຸກ; ສະຫາຍ ພັຕ ວຽງໄຊ ສີລາເພັດ ເປັນຄະນະ.