ວັນທີ 19 ພຶດສະພາ 2020 ຢູ່ວິທະຍາຄານສັນຕິບານປະຊາຊົນ (ວສປ) ໄດ້ມີພິທີປະກາດມະຕິຕົກລົງ ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019; ໂດຍການເຂົ້າຮ່ວມຂອງ ສະຫາຍ ພັອ ປອ ວັນສົມ ສີສົມບັດ ເລຂາອົງຄະນະພັກ ຮັກສາການຫົວໜ້າ ວສປ, ມີຄະນະພັກ-ຄະນະວິທະຍາຄານ, ຕາງໜ້າຄະນະໜ່ວຍພັກ 6 ຫ້ອງບໍລິຫານ, 1 ຂໍ້ມູນຂ່າວສານ-ການສຶກສາ, ພ້ອມດ້ວຍພະນັກງານຄູ-ອາຈານ ແລະ ນັກສຶກສາເຂົ້າຮ່ວມ.
ສະຫາຍ ພັອ ປອ ສີພອນ ພັນທະວົງ ຫົວໜ້າຫ້ອງການເມືອງ ວສປ, ໄດ້ຜ່ານຂໍ້ຕົກລົງເລກທີ 92/ຄພປກສ, ລົງທີ 14 ມັງກອນ 2020 ວ່າດ້ວຍການຮັບຮອງໜ່ວຍພັກປອດ, ເຂັ້ມແຂງ, ໜັກແໜ້ນ ປະຈຳປີ 2019; ໃນນີ້, ທົ່ວ ວສປ ໄດ້ຮັບນາມມະຍົົດດັ່ງກ່າວ ລວມມີ 15 ໜ່ວຍພັກ ຄື: ໜ່ວຍພັກ 802, ໜ່ວຍພັກ 805, ໜ່ວຍພັກ 808, ໜ່ວຍພັກ 809, ໜ່ວຍພັກ 810, ໜ່ວຍ 817, ໜ່ວຍພັກ 818, ໜ່ວຍພັກ 813, ໜ່ວຍພັກ 816, ໜ່ວຍພັກ 815, ໜ່ວຍພັກ 512, ໜ່ວຍພັກສຶກສາຂະແໜງ 815 ມີ 2 ໜ່ວຍພັກ, ໜ່ວຍພັກນັກສຶກສາຂະແໜງ 813 ແລະໜ່ວຍພັກນັກສຶກສາ 814; ໃຫ້ກຽດມອບໃບຢັ້ງຢືນໂດຍ ສະຫາຍ ພັອ ປອ ວັນສົມ ສີສົມບັດ.
ຈາກນັ້ນ, ສະຫາຍ ພັອ ປອ ສີພອນ ພັນທະວົງ ໄດ້ຜ່ານຂໍ້ຕົກລົງຂອງທ່ານຮັກສາການຫົວໜ້າ ວສປ ເລກທີ 227/ວສປ,ລົງວັນທີ 13 ພຶດສະພາ 2020 ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫຼວດຢູ່ ວສປ.; ໃນນີ້, ເລື່ອນຊັ້ນ ສິບເອກ ຂຶ້ນ ວາທີ 2 ສະຫາຍ ຍິງ 2 ສະຫາຍ; ສິບໂທ ຂຶ້ນ ສິບເອກ 10 ສະຫາຍ ຍິງ 3 ສະຫາຍ; ສິບຕີ ຂຶ້ນ ສິບໂທ 1 ສະຫາຍ; ເລື່ອນຊັ້ນ II ຂຶ້ນ ຊັ້ນ I 1 ສະຫາຍ.
ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ເລກທີ937/ປກສ, ເລກທີ 975-976/ປກສ ລົງວັນທີ 12 ພຶດສະພາ 2020 ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫຼວດຢູ່ວິທະຍາຄານສັນຕິບານປະຊາຊົນ; ໃນນີ້, ເລື່ອນຊັ້ນຮ້ອຍໂທ ຂຶ້ນ ຮ້ອຍເອກ 20 ສະຫາຍ ຍິງ 1 ສະຫາຍ; ເລື່ອນຊັ້ນຮ້ອຍເອກ ຂຶ້ນ ພັນຕີ 9 ສະຫາຍ ຍິງ 2 ສະຫາຍ ແລະ ເລື່ອນຊັ້ນພັນຕີ ຂຶ້ນພັນໂທ 5 ສະຫາຍ ຍິງ 2 ສະຫາຍ. ໃຫ້ກຽດປະດັບຊັ້ນໃນຄັ້ງນີ້ໂດຍ ພັອ ປອ ວັນສົມ ສີສົມບັດ.
