ອົງການໄອຍະການປະຊາຊົນສູງສຸດ ໄດ້ມອບປຶ້ມຈໍານວນ 300 ຫົວ ໃຫ້ແກ່ເຈົ້າໜ້າທີ່ຕໍາຫຼວດ,ໄອຍະການປະຊາຊົນແຂວງ, ສານປະຊາຊົນແຂວງ ແລະ ພະແນກຍຸຕິທໍາແຂວງ ຈໍານວນ 3 ແຂວງ ຄື: ນະຄອນຫຼວງວຽງຈັນ, ແຂວງວຽງຈັນ ແລະ ແຂວງບໍລິຄໍາໄຊ.
ພິທີມອບປື້ມດັ່ງກ່າວ, ໄດ້ມີໃນວັນທີ 23 ກັນຍາ 2020 ທີ່ແຂວງບໍລິຄຳໄຊ ປຶ້ມທີ່ນຳມາມອບ ມີ: 1.ປຶ້ມປະມວນກົດໝາຍ ແພ່ງ, 2.ປຶ້ມຖາມ-ຕອບ ກ່ຽວກັບການສືບສວນ-ສອບສວນ, 3.ປຶ້ມຖາມ-ຕອບກ່ຽວກັບການພິຈາລະນາຫຼັກຖານໃນການດໍາເນີນຄະດີອາຍາ, 4.ໂພດສະເຕີກ່ຽວກັບປະ ມວນກົດໝາຍແພ່ງ. ຕາງໜ້າມອບໂດຍ ທ່ານ ສຸພາສິດ ລໍວັນໄຊ ຮອງຫົວໜ້າກົມຕິດຕາມກວດກາການ ດໍາເນີນຄະດີອາຍາ ແລະ ຕາງໜ້າຮັບໂດຍ ພັທ ຄຳແພງ ນຳພາວັນ ຮອງຫົວໜ້າກອງບັນຊາການ ປກສ ແຂວງບໍລິຄຳໄຊ,ມີ ທ່ານ ໄຊຊະນະ ໂຄດພູທອນ ຮອງເລ ຂາຄະນະບໍລິຫານງານພັກ, ຮອງຫົວໜ້າອົງການໄອຍະການປະຊາຊົນສູງສຸດ ຜູ້ຊີ້ນໍາໂຄງການພັດທະນາຊັບພະຍາກອນມະນຸດ ໃນໂຂງເຂດຍຸຕິທໍາ ເຂົ້າຮ່ວມ.
ການມອບໃນຄັ້ງນີ້, ເພື່ອໃຫ້ພາກສ່ວນທີ່ກ່ຽວຂ້ອງກັບການດໍາເນີນຄະດີ ນໍາໄປໂຄສະນາເຜີຍແຜ່ ແລະ ສ້າງຄວາມຮັບຮູ້, ຄວາມເຂົ້າໃຈ ເປັນເອກະພາບກັນໃນພາກປະຕິບັດ ທັງແຈກຢາຍໃຫ້ພະນັກງານ ທີ່ພ້ອມປະຕິບັດໜ້າທີຢູ່ໂຂງເຂດດັ່ງກ່າວ ນໍາໃຊ້ເປັນຄູ່ມື ໃນເວລາປະຕິບັດໜ້າທີຕົວຈິງ ຢູ່ໃນວຽກງານທີ່ຕົນຮັບຜິດຊອບ.
