ກອງບັນຊາການ ປກສ ແຂວງຄຳມ່ວນ ຈັດພິທີປະກາດນະໂຍບາຍໃຫ້ພະນັກງານພັກການ-ຮັບອຸດໜູນບຳນານ ໃນວັນທີ 18 ພຶດສະພາ 2022, ໂດຍມີ ພັອ ທິບພະຈັນ ໂພໄຊ ຫົວໜ້າກອງບັນຊາການ ປກສ ແຂວງຄຳມ່ວນ, ມີບັນດາຄະນະພັກ-ຄະນະກອງບັນຊາການ, ຄະນະຫ້ອງ, ກອງ, ໂຮງຮຽນ, ບໍລິສັດຮັກສາຄວາມປອດໄພ, ຄ້າຍຄຸມຂັງ, ຄະນະກອງບັນຊາການ ປກສ ເມືອງ 10 ຕົວເມືອງ ຕະຫຼອດຮອດພະນັກງານຫຼັກແຫຼ່ງ ເຂົ້າຮ່ວມ.
ໃນພິທີ ພັທ ຈັນໄຊ ນັນທະວົງ ຮອງຫົວໜ້າກອງບັນຊາການ ຫົວໜ້າຫ້ອງການເມືອງ ປກສ ແຂວງ ໄດ້ຂຶ້ນຜ່ານຂໍ້ຕົກລົງຂອງ ລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍ ການອະນຸມັດໃຫ້ນາຍຕໍາຫຼວດພັກການ-ຮັບນະໂຍບາຍອຸດໜູນບຳນານ ລວມມີ 19 ສະຫາຍ ຄື:
- ພັທ ແສງສຸລີ ແກ້ວກົງຍັນ
- ພັທ ອາດ ພົມມະຈັນ
- ພັທ ສີສະຫວາດ ຊະນະມີໄຊ
- ພັທ ວັນ ຟອງວິຈິດ
- ພັທ ບົວລີ ອຳພາວົງ
- ພັທ ສະໝຸດໄທ ອິນທະລັງສີ
- ພັທ ໂສດາ ພະໄຊສີ
- ພັທ ຄຳພໍດີ ຄຳຈັນ
- ພັທ ອຸດອນ ສຸນາວົງ
- ພັທ ບຸນມີ ແສງສຸລິສັກ
- ພັທ ຄຳໝັ້ນ ຈັນທະວົງ
- ພັທ ຫົງສາ ວັນນຸວົງ
- ພັທ ກຽງຄຳ ມຽງສະຫວັດ
- ພັທ ບົວລຽນ ສໍພະສານ
- ພັທ ອອນແກ້ວ ດວງຕາ
- ພັທ ໄມຕີ ອຸທິດ
- ພັທ ຄຳຄາຍ ແສງນຸວົງ
- ພັຕ ຍໍທອງ ຈັນທະວົງ
- ທ່ານ ພັຕ ບຸນມີ ແສງວັນທອງ
ໂອກາດດັ່ງກ່າວ, ພັອ ທິບພະຈັນ ໂພໄຊ ໄດ້ຕາງໜ້າໃຫ້ ຄະນະພັກ-ຄະນະບັນຊາ ພາຍໃນ ກອງບັນຊາການ ປກສ ແຂວງ ມອບເງິນອຸດໜູນກ່ອນຮັບເບ້ຍບຳນານ ແລະ ເງິນກອງທຶນປະກັນສັງຄົມຂອງ ກອງບັນຊາການ ປກສ ແຂວງຄຳມ່ວນ ພ້ອມທັງກ່າວສະແດງຄຳຍ້ອງຍໍຊົມເຊີຍຕໍ່ຜົນງານທີ່ໄດ້ປະກອບສ່ວນ, ສຸມທຸກສະຕິປັນຍາເຂົ້າໃນວຽກງານປ້ອງກັນຄວາມສະຫງົບ ໃນໄລຍະຜ່ານມາ.
ທັງນີ້, ບັນດາສະຫາຍທີ່ໄດ້ພັກການຮັບອຸດໜູນບຳນານຄັ້ງນີ້ ແມ່ນໃຫ້ສືບຕໍ່ເປັນທີ່ປຶກສາໃຫ້ແກ່ກຳລັງປ້ອງກັນຄວາມສະຫງົບ ແຂວງຄຳມ່ວນ, ອຳນາດການປົກຄອງທ້ອງຖິ່ນໃນຮາກຖານ ແລະ ສຶກສາອົບຮົມການເມືອງນຳພາ-ແນວຄິດໃຫ້ພໍ່-ແມ່ປະຊາຊົນ ໃຫ້ມີຄວາມຮັບຮູ້ເຊື່ອມຊຶມຕໍ່ແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ.