ເຈົ້າໜ້າທີ່ພະແນກຕໍາຫຼວດຈະລາຈອນ ປກສ ນະຄອນຫຼວງວຽງຈັນ (ນວ) ວາງແຜນຮັບມືກັບສະພາບການສັນຈອນເພີ່ມຂຶ້ນ ໃນຕະຫຼອດສົກຮຽນ 2023-2024, ເຊິ່ງຄາດວ່າ ເສັ້ນທາງ ແລະ ໜ້າສະຖາບັນສຶກສາ ຈະມີສະພາບຈະລາຈອນແອອັດໜາແໜ້ນເພີ່ມຂຶ້ນ.
+ ພັທ ສັງຄົມ ພົມມະລາດ ຫົວໜ້າພະແນກຕໍາຫຼວດຈະລາຈອນ ປກສ ນະຄອນຫຼວງວຽງຈັນ ໃຫ້ຮູ້ວ່າ:
ທຸກປີຂອງສົກຮຽນໃໝ່, ສະພາບການສັນຈອນຕາມທ້ອງຖະໜົນ ເພີ່ມຂຶ້ນ ໂດຍສະເພາະ ໃນໂມງໄປການ-ເລີກການ. ບັນຫາດັ່ງກ່າວ ໄດ້ສ້າງຄວາມຫຍຸ້ງຍາກໃຫ້ຜູ້ໃຊ້ລົດ-ໃຊ້ຖະໜົນ ທັງມີຄວາມສ່ຽງພາໃຫ້ເກີດອຸບັດຕິເຫດ.
ດັ່ງນັ້ນ, ເພື່ອເຮັດໃຫ້ນ້ອງນັກຮຽນ, ນັກສຶກສາ, ຄູ-ອາຈານ ກໍຄື ຜູ້ໃຊ້ລົດ-ໃຊ້ຖະໜົນ ສັນຈອນໄປມາໃນຊ່ວງເປີດສົກຮຽນໃໝ່ ມີຄວາມເປັນລະບຽບ ແລະ ປອດໄພ, ເຈົ້າໜ້າທີ່ພະແນກຈະລາຈອນ ຈຶ່ງໄດ້ຈັດກອງປະຊຸມຈັດວາງກໍາລັງຕາມຈຸດສໍາຄັນຕ່າງໆ ເປັນຕົ້ນ 3 ແຍກ, 4 ແຍກ, ທາງຮ່ອມ, ໜ້າສະຖາບັນສຶກສາ ແລະ ຈຸດທີ່ເຫັນວ່າ ການສັນຈອນສັບສົນ ທົ່ວນະຄອນຫຼວງວຽງຈັນ ມີທັງໝົດ 153 ຈຸດ, ໂຮງຮຽນ 39 ຈຸດ, ຕາມສາຍທາງ, ແຍກ, ວົງວຽນອື່ນໆ 114 ຈຸດ ແລະ ໄດ້ນໍາໃຊ້ກໍາລັງ 423 ສະຫາຍ ເຂົ້າໃຈການປະຕິບັດໜ້າທີ່.
ຈຸດທີ່ເຈົ້າໜ້າທີ່ລະບາຍການສັນຈອນ ມີຄື:
- ໂຮງຮຽນ ມສ ວຽງຈັນ
- ມສ ໜອງບອນ
- ມສ ລາວ-ຫວຽດ
- ໂຮງຮຽນມັດທະຍົມສິນໄຊ
- ໂຮງຮຽນວັດທະນະກອນ
- ໂຮງຮຽນສຸກສະຫວັດ
- ໂຮງຮຽນລຽນຢູ
- ໂຮງຮຽນລ້ຽວໂຕ
- ໂຮງຮຽນນິລະດາ
- ສາມແຍກໂຮງຮຽນນາໄຮ່ດຽວ
- ວົງວຽນ 450 ປີ
- ແຍກໂພນພະເນົາ
- ແຍກ ຫຼັກ 5
- ຕະຫຼາດໂພນສະຫວ່າງ
- ປາກປາສັກ
- ຕະຫຼາດທົ່ງຂັນຄຳ
- ສາມແຍກກົມກົງສູນ
- ສາມແຍກກົມຈະລາຈອນເກົ່າ
- ສາມແຍກຕະຫຼາດຫ້ວຍຫົງ
- ສາມແຍກໂພນຕ້ອງ (ສຸວັນນີ)
- ໄຟອຳນາດແຍກສະຫວ່າງ
- ໄຟອຳນາດສີດຳດວນ
- ໄຟອຳນາດຊ້າງເຜືອກ
- ໄຟອຳນາດສາຍລົມ
- ໄຟອຳນາດດົງໜ້ຽງ
- ໂຮງຮຽນປາດຖະໝາ
- ໂຮງຮຽນເສດກະສັດ
- ໂຮງຮຽນສາຍຝົນ
- ໂຮງຮຽນສັນທາລັກ
- ໂຮງຮຽນວຽງສະຫວັນ
- ຕະຫຼາດໂນນຄໍ້
- ວົງວຽນໜອງໜ່ຽງ
- ສາມແຍກບ້ານຄຳສະຫວາດ
- ສາມແຍກທາງຕັດໃໝ່ບຶງທາດຫຼວງ
- ຫຼັງທາດຫຼວງ
- ສາມແຍກທູດຫວຽດນາມ
- ສາມແຍກທະນາຄານອິນໂດຈີນ
- ໄຟອຳນາດໂພນໄຊ
- ໄຟອຳນາດດົງປ່າແຫຼບ
- ໄຟອຳນາດທົ່ງພານທອງ
- ໂຮງຮຽນກຽດຕິສັກ
- ໂຮງຮຽນຮາກແກ້ວ
- ໂຮງຮຽນຝຣັ່ງ
- ໂຮງຮຽນສະຖາພອນ
- ໂຮງຮຽນປັນຍາທິບ
- ໂຮງຮຽນວຽງຈັນນາໆຊາດ
- ສາມແຍກຕະຫຼາດທົ່ງພານທອງ
- ສາມແຍກປົກຄອງເມືອງ
- ໄຟຟ້າລາວ
- ວົງວຽນດົງປາລານ
- ວົງວຽນໂສກປ່າຫຼວງ
- ວົງວຽນ 5 ເມສາ
- ວົງວຽນຄອມເຊັນເຕີ້
- ຈຸດອົງການຢູ່ນີເຊບ
- ສາມແຍກລົງບ້ານພັກແອນນີວົງ
- ໄຟອຳນາດໜອງແຕ່ງ
- ໂຮງຮຽນ ມໍຕົ້ນ ສີໄຄ
- ໂຮງຮຽນຊະນະພົນ
- ໂຮງຮຽນມິດຕະພາບລາວ-ໂຮ່ຈີ່ມິ່ນ
- ໂຮງຮຽນອະນຸບານນີຕ່າ (ທົ່ງປົ່ງ)
- ສາມແຍກໂຮງໝໍປົວຕາທົ່ງປົ່ງ
- ໂຮງຮຽນວັນໃໝ່ + ມສ ດອນໜູນ
- ໂຮງຮຽນດອນຕິ້ວ
- ໂຮງຮຽນເບວລີ້ງ
- ແຍກໂຮງຮຽນສາທິດ
- ໂຮງຮຽນໄຊສົມພອນ
- ໂຮງຮຽນມະຍຸລີ (ໜອງໄຮ)
+ ເມືອງນາຊາຍທອງ:
- ໂຮງຮຽນ ມສ ນາຊາຍທອງ
- ໂຮງຮຽນແສງປະເສີດ
- ໂຮງຮຽນ ຟ້າສີຄາມ
+ ເມືອງປາກງື່ມ:
- ໂຮງຮຽນ ມສ ສົມສະຫວາດ
- ໂຮງຮຽນ ມສ ນາຝາຍ
- ໂຮງຮຽນ ບ້ານພ້າວ
- ໂຮງຮຽນບ້ານນາຊອນ
ເມືອງສັງທອງ ບໍ່ມີຈຸດລະບາຍລົດ. ນອກນັ້ນ, ກໍຍັງມີບັນດາປ້ອມຖາວອນ ແລະ ປ້ອມ 24 ຊົ່ວໂມງ.
ເຈົ້າໜ້າທີ່ ໄດ້ຖືເອົາໂອກາດດັ່ງກ່າວ ຮຽກຮ້ອງມາຍັງຜູ້ຂັບຂີ່ ຈົ່ງພ້ອມກັນປະຕິບັດກົດລະບຽບການສັນຈອນທີ່ວາງອອກຢ່າງເຂັ້ມງວດ ໂດຍສະເພາະການຈອດລົດຂອງຜູ້ປົກຄອງທີ່ມາສົ່ງລູກຫຼານເຖິງໂຮງຮຽນ ໃຫ້ຈອດບ່ອນທີ່ກໍານົດໄວ້, ບໍ່ໃຫ້ຈອດຊ້ອນກັນ ແລະ ຈອດເປັນເວລາດົນ ເພາະຈະສົ່ງຜົນໃຫ້ລົດຄັນອື່ນໆຕິດຂັດ.